Haqqımızda
ArchiCO şirkəti təsis edildiyi -2009-cu ildən etibarən Azərbaycanda həyata keçirdiyi müasir standartlara cavab verən layihələr ilə öz sözünü demiş inşaat və mühəndəslik şirkətinə çevrilmişdir. Təcrübəli və səriştəli komandamızla hərbi, ekoloji, yaşayış, sosial, turizm, kommersiya və digər təyinatlı layihələrin beynəlxalq standartlara cavab verərək peşəkarlıqla həyata keçirilməsini təmin edirik. ArchiCO şirkəti olaraq bir çox layihələrimizdə dünyanın qabaqcıl şirkətləri ilə əməkdaşlıq edir, qarşıya qoyulan hədəflərimizə çatmaq üçün hər zaman beynəlxalq təcrübəyə istinad edərək innovativ həllərlə məsələlərin həllinə nail oluruq. Şirkətimizin sifarişçiləri arasında dövlət qurumları, yerli və xarici şirkətlər yer alır. Qarşıya qoyulan məsələlərin həlli üçün şirkət innovativ həllər tətbiq edir, Keyfiyyətin Menecmenti Sistemi üzrə ISO 9001:2015, Ekoloji Menecment Sistemi üzrə ISO 14001:2015, Peşə sağlamlığı və əməyin təhlükəsizliyinin Menecmenti Sistemi üzrə ISO 45001:2018 standartlarının tələblərini yerinə yetirərək, daim təkmilləşməyə doğru irəliləyir. Məqsədimiz həyata keçirdiyimiz layihələr ilə ölkə hüdudlarını aşaraq inşaat sektorunda bir Azərbaycan brendini dünyaya tanıtmaqdır.
Missiyamız
ArchiCO-da missiyamız həyata keçirdiyimiz bütün layihələrdə dürüstlük, dəqiqlik və innovativ xüsusiyyətlərimizlə mükəmməl nəticələr əldə etməkdir. Keyfiyyət, sağlamlıq, təhlükəsizlik və ətraf mühitin qorunması prinsipləri bütün layihələrimizdə tikintisindən başlayaraq istismara verilənə qədər böyük əhəmiyyət kəsb edir. Təhlükəsizliyə, davamlılığa üstünlük verməklə və əməkdaşlıq dairəmizi genişləndirməklə şirkətimizin, bilavasitə ölkəmizin inkişafına töhfə veririk. Mükəmməlliyə sadiqliyimiz bizi davamlı olaraq təkmilləşməyə, sənaye inkişafına uyğunlaşmağa və inşaatda ən yüksək standartları dəstəkləməyə sövq edir. Həyata keçirdiyimiz hər bir layihədə inam, etibar və mükəmməllik mirası qururuq.
Baxışımız
ArchiCO-Mükəmməllik, innovasiya və davamlılığı üstün tutaraq inşaat və mühəndislik sahəsində mövqeyimizi gücləndiririk. Bu göstəricilərə olan öhdəliyimiz bizi dayanıqlı gələcəyin yaradılmasına töhfə verən tikinti şirkəti olaraq mövqeləndirir. Layihələrimizdə qabaqcıl texnologiyadan istifadə etməklə və davamlı təkmilləşmə mədəniyyətini inkişaf etdirməklə müstəsna keyfiyyət təqdim edirik. Mükəmməlliyə olan bağlılığımız və peşəkar komandamızla tikinti standartlarını yenidən müəyyənləşdirməyi və həyata keçirdiyimiz layihələrlə dünya miqyasında icmalara müsbət təsir etməyi hədəfləyirik.
Dəyərlərimiz
ArchiCO şirkəti olaraq, vicdanlı və məsuliyyətli olmaq əsas dəyərlərimizdəndir. Biz gördüyümüz işdə dürüstlüyə, qurduğumuz əməkdaşlıqda şəffaf olmağa, göstərilən etimadı doğrultmağa sadiq qalırıq. Təhlükəsizlik bizim ən yüksək prioritetimizdir. Keyfiyyətdən güzəştə getmədiyimiz üçün layihələrin beynəlxalq standartlara cavab verməsini təmin edirik. İş mühitində yüksək nəticələrin sirri olan komanda ruhunu möhkəmləndiririk. Bu dəyərləri qorumaqla biz ətraf mühitə və cəmiyyətə fayda verən layihələrin davamlılığını təşviq edirik.