Multifunksional bina

“Xizək klubu” binasında kafe, brifinq, iclas və konfrans zalları, mətbuat nümayəndələri üçün otaq olacaq. Yalnız qış mövsümündə deyil, bütün ilboyu burada “Xizək klubu”nun üzvü olanlara, o cümlədən uşaq və yeniyetmələr üçün xizəksürmə kursları təşkil ediləcək. Xizək Stadionu Kompleksində yaradılmış yamac Beynəlxalq Xizək və Snoubord Federasiyasının bütün tələb və standartlarına tam cavab verir. Burada idmanın bu növü üzrə müxtəlif beynəlxalq yarışların, o cümlədən dünya və Avropa çempionatlarının keçirilməsi üçün hərtərəfli şərait yaradılacaq. İdman kompleksində idmançıların, məşqçilərin və azarkeşlərin rahatlığı üçün bütün məqamlar nəzərə alınacaq. Burada 500 nəfərlik tribuna quraşdırılacaq.

Hotelin interyeri Lahıcın ən məşhur misgərlik ustalarının əl işləri olan Lahıc misgərlik sənətinin nümunələri ilə bəzədilib. Ümumilikdə 122 nömrədən ibarət hoteldə idman, “Kids Care” zonaları, işgüzar tədbirlər üçün müasir konfrans zalı və iclas otağı, xizək həvəskarları üçün xizək məktəbi və iki xizək simulyatoru ilə təchiz edilmiş mərkəz fəaliyyət göstərəcək. Hotelin yerləşdiyi əraziyə xizək sürənlərin rahat yaxınlaşmalarını təmin etmək üçün burada ilk dəfə “MegaCord” əlaqələndirici lift fəaliyyət göstərəcək. Bu lift hoteli ümumi kanat yolları şəbəkəsi ilə birləşdirəcək. Taxtadan hazırlanmış və əl işi olan Qarabağ xalçasının nümunəsi də hotelin interyerini bəzəyən elementlərdən biri olacaq. Hoteldə 250 yerlik restoran qonaqların ixtiyarına veriləcək.

2018-ci ildən etibarən “ArchiCO Engineering Company” olaraq müştərilərimizə bu sahədə qabaqcıl həllər təqdim etmək üçün kanat yollarının istehsalında dünya lideri olan “Doppelmayr Seilbahnen GmbH” ilə əməkdaşlıq edirik. Həmçinin süni qaryaratma sahəsində TechnoAlpin ( İtalya) və dağ nəqliyyatı və xizək sahəsi üzrə dünya brendi olan PistenBully (Almaniya) ilə əməkdaşlıqlarımız çərçivəsində dağ-xizək turizmi sənayesində mükəmməl layihələr ərsəyə gətiririk. 2018-ci ildən “ArchiCO” MMC “Şahdağ Turizm Kompleksi”ndə kanat yollarının layihələndirilməsi və tikintisi ilə məşğuldur. Bu dövrdə ümumi uzunluğu 7460 metr olan 7 kanat yolları tərəfimizdən layihələndirilərək inşa olunub.