Qarabağın ən gözəl guşələrindən olan Şuşa və Xankəndi şəhərlərində insanların daha tez hərəkətini təmin edəcək “Nəqliyyat xarakterli kanat Yolu” layihəsi məhz “ArchiCO Engineering Company” tərəfindən inşa olunacaq. Bu layihənin icrası ümumilikdə turizmin inkişafına təkan verməklə yanaşı, Xankəndidən Şuşaya və əks istiqamətə insanların rahat gediş-gəlişinin təmin olunmasında mühüm rol oynayacaq. Xankəndi-Şuşa kanat yolunun uzunluğu 9501 metr olacaq. Kanat yolunun Xankəndidə hündürlüyü 844 metr, Şuşada isə 1317 metr təşkil edəcək. Kanat yolunda hərəkətin müddəti 13 dəqiqəyədək, sürəti isə saniyədə 8 metr nəzərdə tutulur.