Azərbaycan Respublikasının Prezidenti İlham Əliyev mayın 27-də Laçın şəhərinin Baş planına əsasən layihələndirilməsi və tikintisi ArchiCO şirkəti tərəfindən icra olunan Laçın kanat yolunun təməlini qoyub. Rəqəmsal inkişaf və nəqliyyat naziri Rəşad Nəbiyev dövlətimizin başçısına görüləcək işlər barədə məlumat verib. Laçın kanat yolu şəhərin Bulvar ərazisində yerləşəcək və iki hissədən ibarət olacaq. Kanat yolunun hündürlüyü 300 metr, xəttinin uzunluğu isə 1720 metr olacaq, hərəkət müddəti isə 6 dəqiqə təşkil edəcək. Ümumilikdə 17 kabinədən ibarət kanat yolu saatda 800 sərnişinə xidmət edə biləcək. ArchiCO şirkəti olaraq dağ sənayesi sahəsində dünya standartlarına cavab verən texnologiya və təcrübələrimizə əsaslanaraq həyata keçirəcəyimiz 11-ci kanat yolu layihəmizdə Qarabağa o cümlədən, ölkəmizə öz töhvəmizi verəcəyimizdən qürur hissi duyuruq.