ArchiCO şirkəti Rumıniyada, Resita bələdiyyəsi tərəfindən keçirilən “Semenic Turist zonasının inkişaf etdirilməsi” tenderinin qalibi olub. Ölkənin “Semenic” dağ-xizək zonasında 15 km-lik sürüşmə zolağının, 1 kanat yolunun layihələndirilməsi və tikintisi nəzərdə tutulub. Təşkil olunan tenderə dünyanın bu sahədə ən nüfuzlu şirkətləri qatılıb. Tender Komissiyasının qərarına görə, ArchiCO (Azərbaycan), Dimex 2000 (Rumıniya), Supersnow (Polşa) alyansı tenderin qalibi elan olunub. ArchiCO artıq dağ-xizək zonalarının layihələndirilməsi, sürüşmə zolaqları, kanat yolları və süni qar yaratma sistemlərinin tikinti və quraşdırma işlərində böyük təcrübəyə və beynəlxalq səviyyədə əməkdaşlıq imkanlarına malikdir.