Avstriyanın İnnsbruck şəhərində təşkil olunan və 50 illik yubileyini qeyd edən İnteralpin 2025 sərgisi dağ-xizək infrastrukturu sahəsində dünyanın aparıcı şirkətlərini bir araya gətirdi. Süni qar texnologiyaları, kanat yolları və dağ infrastrukturuna dair ən son innovasiyaların təqdim olunduğu bu mötəbər tədbir sənaye üzrə mütəxəssislər üçün qlobal platforma rolunu oynadı. ArchiCO komandası olaraq biz də sərgidə fəal iştirak etdik. Layihələrimizdə illərdir etibarlı tərəfdaşlarımız olan Doppelmayr və TechnoAlpin şirkətləri ilə əlaqələrimizi daha da möhkəmləndirdik. Ən önəmlisi isə, dağ nəqliyyatı və xizək sahəsi üzrə dünya brendi olan PistenBully (Almaniya) ilə yeni əməkdaşlıq müqaviləsi imzaladıq. Bu tərəfdaşlıq, dağ sənayesi sahəsində regional və beynəlxalq layihələrimizə güc qatacaq, texnoloji imkanlarımızı daha da genişləndirəcək.