Prezident İlham Əliyev tərəfindən mayın 27-si təməli qoyulmuş “Laçın Kanat Yolları” nın layihələndirilməsi və tikintisi “ArchiCO Engineering Company” tərəfindən həyata keçirilir. Avstriyanın “Doppelmayr Seilbahnen G.m.b.H” şirkəti ilə avadanlıqların alışı ilə bağlı müqavilə imzalayan şirkətimizin bu, Azərbaycanda inşa edəcəyi 11-ci kanat xətti layihəsidir. Azərbaycanın aparıcı şirkətlərindən olan “ArchiCO Engineering Company” hal-hazırda Ruminiya, Özbəkistan və İraqda rəsmi olaraq fəaliyyət göstərir. Şirkətimiz Azərbaycandan kənarda da, dağ-xizək turizmi sənayesi üzrə, kanat yollarının və süni qaryaratma sistemlərinin layihələndirilməsi və tikintisini, həmçinin su və kanalizasiya sistemlərinin yenidənqurulması sahəsində uğurlu layihələr həyata keçirir.